युरो २०२४ : युक्रेनलाई पराजित गर्दै रोमानियाको सानदार सुरुवात

नेपालभ्युज

काठमाडौं । युरो २०२४ मा रोमानियाले युक्रेनलाई ३-० ले पराजित गर्दै सानदार सुरुवात गरेको छ ।

सोमबार राति भएको समूह ‘ई’ अन्तर्गतको खेलमा रोमानियाले युक्रेनमाथी ३–० गोलले विजय निकाल्दै सानदार सुरुवात गरेको हो ।

खेलको २९ औँ मिनेटमा कप्तान निकोलस स्टानसिउले गोल गर्दै रोमानियालाई अग्रता दिलाए । दोस्रो हाफको ५३ औँ मिनेटमा राजभान मारिनले टोलीको अग्रता दोब्बर बनाए भने ४ मिनेटपछि नै डेनिस ड्रागुसले तेस्रो गोल गरे ।

३ अंकसहित रोमानिया अंक तालिकाको शीर्ष स्थानमा पुगेको छ । युरो इतिहासमा रोमानियाको २४ वर्षपछिको यो पहिलो जित हो ।