हिरासतमा मृत्यू भएकाको हत्यामा सलमानलाई आरोपी बनाइएपछि नाम हटाउन अदालतको आदेश

नेपालभ्युज

हिरासतमा मृत्यू भएकाको हत्यामा सलमानलाई आरोपी बनाइएपछि नाम हटाउन अदालतको आदेश

मुम्बई । बलिउड अभिनेता सलमान खान खानलाई आरोपीबाट हिरासतमा मृत्यु भएका व्यक्तिको आरोपीको नामबाट हटाउन अदालतले आदेश दिएको छ ।

गत अप्रिलमा बान्द्रास्थित घर बाहिर बन्दुक फायरिङ भएको घटनाका संलग्न व्यक्तिको हिरासतमै मृत्यू भएपछि उनको नाम समेत विपक्षी बनाइएको थियो ।

गत अप्रिलमा सलमानको बान्द्रास्थित घर बाहिर बन्दुक फायरिङ समेत भएको थियो ।

घटनाका सम्बन्धमा क्राइम ब्रान्चले अनुज थापनसहित फायरिङमा संलग्न दुई आरोपी विक्की गुप्ता र सागर पाललाई गुजरातमा पक्राउ गरेको थियो ।

यद्यपि मे १ मा अनुजको प्रहरी हिरासतमै मृत्यु भएको थियो । उनको शव क्राइम ब्रान्चको शौचालयमा भेटिएको थियो । घटनापछि अनुजकी आमा रितादेवीले सलमानविरुद्ध उजुरी दर्ता गरेकी थिइन् । अहिले अदालतले सुनुवाइका क्रममा सलमानको नाम उजुरीबाट हटाउन आदेश दिएको छ ।

गत सोमबार न्यायाधीश रेवती ढेरे र श्याम चन्दको बेन्चले सलमानको नाम उजुरीबाट हटाउने फैसला गरेको छ । ‘उनको नाम उजुरीबाट हटाउनु । यो मामलामा सलमानविरुद्ध केही पनि छैन भने उनलाई प्रतिवादी बनाउनुको अर्थ के ?’ आदेशमा भनिएको छ ।

प्रहरीले अनुजले आत्महत्या गरेको भने पनि उनकी आमा रिताले भने छोराको आत्महत्या नभई हत्या भएको दाबी गर्दै आएकी छन् ।

उनले यो मामलामा सीबीआईबाट अनुसन्धान हुनुपर्ने माग गरेकी थिइन् । उजुरीमा अनुजमाथि प्रहरीले हिरासतमा धेरै कुटपिट गरेको र उसलाई यातना दिइएको उल्लेख थियो ।


Comment

Leave a Reply

Your email address will not be published. Required fields are marked *

थप समाचार

Copyright © 2024 Digital House Nepal Pvt. Ltd. - All rights reserved