सहकारी छानबिन समितिको पहिलो बैठक जारी

काठमाडौं । ‘सहकारी संस्था बचत रकम दुरुपयोग सम्बन्धमा संसदीय छानबिन विशेष समिति’को पहिलो बैठक बसिरहेको छ ।

आज (बुधबार) दिउँसो सभामुखको उपस्थितिमा संसद् भवन बानेश्वरस्थित शंकर हलमा बैठक बसिरहेको हो । बैठकमा सभामुख लगायत समितिका सदस्यहरू सहभागी छन् ।

उपप्रधान तथा गृहमन्त्री रवि लामिछानेमाथि सहकारीमा बचत रकम दुरुपयोग गरेको प्रश्न उठेपछि गत जेठ १५ गते प्रतिनिधि सभाले छानबिन समिति गठन गरेको थियो ।

समितिमा सूर्य थापा, ईश्वरी न्यौपाने, ध्रुवबहादुर प्रधान, बद्री पाण्डे, लेखनाथ दाहाल, शिशिर खनाल र सरिता भुसाल सदस्य छन् । थापा समितिका सभापति हुन् ।

समितिलाई तीन महिनाको अवधि दिइएको छ ।

लोकप्रिय (यो साता)