हार्दिक-नताशा सम्बन्धविच्छेदको चर्चा : को हुन् यी युवक ?

काठमाडौं । भारतीय क्रिकेटर हार्दिक पाण्डेय(Hardik Pandya)को व्यक्तिगत जीवन यतिबेला चर्चामा छ ।

श्रीमती नताशा स्टान्कोभिक(Nataša Stanković)सँग सम्बन्धविच्छेदको खबरका बीच पाण्डेय टी–२० विश्वकप खेल्न अमेरिका पुगेका छन् ।

सम्बन्धविच्छेदको खबर आगो जसरी फैलिरहेको बेलामा नताशा फिटनेस ट्रेनर, मोडल तथा अभिनेता अलेक्ज्याण्डर एलेक्ससँग देखिएपछि झन् हंगामा मच्चिएको छ ।

पाण्डेयबीचको सम्बन्धविच्छेदको खबरले गति लिएपछि कतिपयले नताशाले धोका दिएको आरोप लगाउन थाले ।

उनको नाम एलेक्ससँग जोडिन थालेको थियो, जबकी एलेक्स बलिउड अभिनेत्री दिशा पटानीसँग डेट गरिरहेको खबर यसअघि नै आएको थियो ।

सम्बन्धविच्छेदको खबर तब सुरु भयो, जब नताशाले आफ्नो इन्स्टाग्राम ह्यान्डलबाट क्रिकेटरको उपनाम ‘पाण्डेय’ हटाइन् र अधिकांश तस्वीरहरू पनि हटाइन्।

यसले पाण्डेयका फ्यानहरू बीच हलचल पैदा गर्‍यो, एलेक्सको कारण सम्बन्धविच्छेद हुन लागेको हल्ला फैलियो ।

यो कुरा यति बढ्यो कि नताशाको सम्बन्धविच्छेदपछि पाण्डेयको ७० प्रतिशत सम्पत्ति लैजानेसम्मको हल्ला फैलिन थाल्यो ।

यी सबैको बीचमा नताशा एलेक्ससँग कफी डेटमा देखिएकी थिइन् । उनीहरूसँगै हिँडेको तस्वीरसमेत भाइरल भयो ।

सन् २०२० सेप्टेम्बर २० मा एक तस्वीर सेयर गर्दै जन्मदिनको शुभकामना दिँदै नताशाले अलेक्जेन्डरलाई अर्की आमाको भाइको रूपमा वर्णन गरेकी थिइन् । उनीहरू दुवै साइबेरियाका हुन् ।

यति मात्र होइन, उनी पाण्डेयको परिवारको लगभग हरेक कार्यक्रममा सहभागी हुन्छन् ।

एलेक्स साइबेरियन मोडल र फिटनेस ट्रेनर हुन्, जो बलिउड अभिनेत्री दिशा पटानीसँग सम्बन्धमा रहेको अफवाह छ ।

यद्यपि, दुवैले आफ्नो सम्बन्धको पुष्टि गरेका छैनन्, उनीहरू बारम्बार सँगै भएका कारण सम्बन्धको बारेमा धेरै कुरा फैलिनु सामान्य हो ।