निखिलको नयाँ कन्सेप्ट, परिवारका सदस्यको मात्रै अभिनय रहने फिल्म बनाउँदै

काठमाडौं। एक्सन स्टारको रूपमा परिचित अभिनेता निखिल उप्रेतीले डकुमेन्ट्री टाइपको नयाँ फिल्म बनाउँदै छन् । नयाँ धारणासहितको फिल्म निर्माणमा जुटेका उनले परिवारका सदस्यलाई समेटेर निर्माण गर्ने तयारीमा लागेका हुन् ।

सामाजिक पारिवारिक एक्सनका विषयमा फिल्म निर्माण गर्ने तयारी गरेको उनले बताए । उनले भने, ‘‘मेरो, सञ्चिता (पत्नी) र छोराछोरी सबैको अभिनय रहने पारिवारिक फिल्म बनाउँदै छु । अंग्रेजी, हिन्दी र नेपाली गरेर तीन भाषामा बन्ने छ ।’

एउटा गजबको कथा भेटेकोले पारिवारिक अभिनय रहने फिल्म बनाउन लागेको उनले सुनाए । जुन धेरैको जीवनसँग मेल खाने उनले सुनाए । फिल्मका लागि केही गीत समेत निखिलले रेकर्ड गरिसकेका छन् ।

निखिल पछिल्लो समय अभिनय भन्दा ‘आध्यात्मिक गुरु’ को रूपमा चर्चामा छन् । ‘समबोधी अभियान’ सँग जोडिएका उनले पछिल्लो समय फिल्म ‘भैरव’ बनाएका थिए ।