सहकारीको ८० लाख लुटेको आरोपमा दुईजना पक्राउ

नेपालभ्युज

जनकपुरधाम । जनकपुरधामबाट सहकारी कर्मचारीको साथमा भएको ८० लाख रुपैयाँ लुटेको आरोपमा दुई जना पक्राउ परेका छन् । लुटमा संलग्न देखिएको भन्दै जनक महतो र श्रवण कापरलाई प्रहरीले पक्राउ गरेको हो ।

उनीहरूमाथि २४ वैशाखमा धनुषाको सबैला १२ रघुनाथपुरको शुभश्री बचत तथा ऋण सहकारीका कर्मचारी वीरेन्द्रकुमार महतोलाई लुटेको आरोप छ ।

मोटरसाइकलमा आएका उनीहरुले हतियारधारीले जनकपुरधाम १९ मा पेस्तोल देखाएर ८० लाख लुटेका थिए । उनीहरूबाट केही रकम प्रहरीले बरामद समेत गरेको जनाएको छ ।