कोशी र मधेससहित पहाडी भेगमा आंशिक बदली, हिमाली भेगमा हिमपातको सम्भावना

नेपालभ्युज

कोशी र मधेससहित पहाडी भेगमा आंशिक बदली, हिमाली भेगमा हिमपातको सम्भावना

काठमाडौ । नेपालको मौसममा पश्चिमी न्यून चापीय प्रणालीको आंशिक प्रभाव परेको छ । कोशी र मधेश प्रदेश लगायत देशको पहाडी भू–भागमा आंशिक देखि समान्य बदली हुनेछ भने बाकी भू–भागको मौसम मुख्यतया सफा रहने जल तथा मौसम पूर्वानुमान महाशाखाले जनाएको छ ।

आज दिउँसो गण्डकी, कर्णाली र सुदूरपश्चिम प्रदेशको पहाडी भू–भागमा आंशिक बदली हुनेछ । गण्डकी, कर्णाली र कोशी प्रदेशका उच्च पहाडी तथा हिमाली भू–भागका केही स्थानमा हिमपातको सम्भावना छ ।

आज राती देशभर आंशिक देखि साधारणतया बदली रहने महाशाखाको अनुमान छ । गण्डकी प्रदेशका उच्च पहाडी तथा हिमाली भू–भागका एक–दुई स्थानमा हिमपातको सम्भावना छ ।

उपत्यकाको न्यूनतम तापक्रम ४ दशमलव ४ डिग्री सेल्सियस मापन गरिएको छ भने अधिकतम तापक्रम १९ डिग्री सेल्सियससम्म पुग्ने महाशाखाको अनुमान छ ।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved