कोलकाता उच्च न्यायालयको आदेश : सिंह र सिंहिनीको नाम परिवर्तन गर्नू

काठमाडौं । भारतको कोलकाता उच्च न्यायालयले एक रोचक आदेश दिएको छ ।

बीबीसी हिन्दीका अनुसार न्यायालयको जलपाईगुडी सर्किट बेन्चले एउटा रोचक जनहित मुद्दाको सुनुवाइ गर्दै राज्य सरकारलाई त्यहाँको चिडियाखानाको सिंह र सिंहिनीको नाम परिवर्तन गर्न आदेश दिएको हो ।

१२ फेब्रुअरीमा दुई वटा सिंहलाई त्रिपुराबाट ल्याएर सिलगढीको सफारी पार्कमा राखिएको थियो । पार्कले सिंहको नाम ‘अकबर’ र सिंहिनीको नाम ‘सीता’ राख्यो ।

विश्व हिन्दू परिषद्ले भगवानसँग नाम जोडेर नाम राखेको भन्दै यसले हिन्दुहरुको धार्मिक भावनामा चोट पुगेको बताएको थियो । विवाद बढ्दै गएपछि परिषद्ले अदालतमा सिंहको नाम परिवर्तन गर्न निवेदन दिएको थियो ।

अदालतको आदेशसँगै कलकत्ता सरकारले सिंहको नाम परिर्वतन गर्ने आश्वासन दिएको छ ।

भारतमा ठूलो वर्गले सीताको पूजा गर्छन् भने अकबर धर्मनिरपेक्ष मुगल सम्राट थिए भन्ने विश्वास गर्छन् ।