रिहाईपछि युनुसको प्रतिबद्धता- कानुनी समस्याका बावजुद गरिबलाई सहयोग गर्छु

ढाका । बङ्गलादेशका नोबेल पुरस्कार विजेता मोहम्मद युनुसले आफ्नो वातावरणीय र आर्थिक नीति हासिल गर्न राजनीतिबाट प्रेरित भएको भन्दै अदालती मुद्दाको सामना गर्ने प्रतिबद्धता व्यक्त गर्नुभएको छ ।

“हाम्रो सपना नयाँ संसार सिर्जना गर्नु हो,” मानव अधिकार समूहहरूले व्यापक रूपमा आलोचना गरेको मुद्दामा छ महिनाको जेल सजायविरुद्ध गरिएको अपिलमा औपचारिक रूपमा जमानत पाएपछि ८३ वर्षीय युनुसले अदालत बाहिर पत्रकारहरूलाई भने।

युनुसलाई आफ्नो अग्रणी माइक्रोफाइनान्स बैंकमार्फत लाखौंलाई गरिबीबाट माथि उकास्ने श्रेय दिइन्छ तर उनको बङ्गलादेशको लामो समय प्रधानमन्त्री रहेकी शेख हसिनासँगको सम्बन्ध तनावपूर्ण रहेको देखिँदै आएको छ ।

उनलाई गरिबहरूको ‘रगत चुसेको’ आरोप बङ्गलादेशको संस्थापन पक्षले लगाउने गरेको छ । विपक्षीले बहिष्कार गरेको चुनावमा भारी मतान्तरले विजयी भएपछि यसै महिना पाँचौं कार्यकालका लागि शपथ लिएकी हसिनाले सन् २००६ को नोबेल शान्ति पुरस्कार विजेता यूनिसको पटकपटक आलोचना गरेकी छन् ।

भ्रष्टाचारको प्रमुख आरोपहरू पनि समावेश भएका कम्तिमा १७० अन्य मुद्दाहरूको सामना गरेका युनुसविरूद्ध जनवरी १ मा श्रम कानून उल्लङ्घनसँग सम्बन्धित मुद्दामा पनि जोडिएको थियो ।

उनले आफूमाथि लागेका सबै आरोपहरूको खण्डन गर्दै आएका छन् ।

युनुसले भावुक हुँदै आफूले आफ्नो जीवन सबैभन्दा बढी खाँचोमा परेकाहरूलाई सहयोग गर्न समर्पित गरेको र आफ्नो कामलाई निरन्तरता दिन प्रतिबद्ध रहेको बताए ।

उनको ‘थ्री जिरो’ योजनाको उद्देश्य कार्बन उत्सर्जन घटाउनु, बेरोजगारी अन्त्य गर्नु र गरिबी घटाउनु हो ।

युनुसले कसैको नाम उल्लेख नगरिकन भने, “हामीले एउटा सपना पूरा गरेका छौँ र यो सपनाको पछि लाग्दा हामीले कसैको चित्त दुखाएका हुनसक्छौँ।”

पछिल्लो घटनामा युनुस र ग्रामीण टेलिकमका तीन सहकर्मीमाथि श्रम कानूनको उल्लङ्घन गरेको आरोप लागेको थियो ।

युनुसले यो मुद्दा सरकारी विभागले ल्याएको आरोप लगाए पनि यातायातमन्त्री ओबैदुल कादिरले भने, “यो मुद्दा कामदारले दायर गरेका हुन् ।”

हसिनाले युनुसलाई माफी दिन गरिएको आग्रह अस्वीकार गर्दै आफ्ना कर्मचारीसँग माफी माग्नुपर्ने बताएकी छन् । एएफपी