एपीएफको चौथो जित, गण्डकी ८८ रनले पराजित

काठमाडौं। प्रधानमन्त्री कप एकदिवसीय राष्ट्रिय क्रिकेटमा एपीएफ क्लबले गण्डकी प्रदेशलाई ८८ रनले पराजित गरेको छ।

मूलपानी क्रिकेट मैदानमा शनिबार भएको खेलमा २०८ रनको लक्ष्यमा जवाफी ब्याटिङ गरेको एपीाएफ ३३.४ ओभरमा ११९ रनमा अलआउट भएको हो। यससँगै एपीएफले चौथो जित हासिल गरेको छ।

गण्डकीका लागि समिर कंडेलले ३३ र इश्वर क्षेत्रीले २८ रन बनाए। एपीएफका लागि अमर रौतेलाले ४ विकेट लिए। मौसम ढकालले ३,भुवन कार्कीले २ तथा रमेश कुर्मीले १ विकेट लिए।

पहिले ब्याटिङ गरेको एपीएफ ४७.२ ओभरमा २०७ रनमा अलआउट भयो। एपीएफका लागि लोकेश बमले ६७ बलमा ५ चौका र २ छक्का प्रहार गर्दै ५० रन बनाए। भुवन कार्की भने ४५ रनमा अविजित रहँदा प्रदिप ऐरीले ३९ रन जोडे।

गण्डकीका लागि कमल परियारले ३, सन्दीप पराजुली, अमृत गुरुङ र विपिन खत्रीले २–२ विकेट लिए।

७ खेलबाट ४ मा जित हासिल गरेको एपीएफ ८ अंकसहित अंकतालिकाको छैंटौँ स्थानमा छ। ७ खेलबाट ४ अंक जोडेको गण्डकी भने आठौं स्थानमा छ।