नेपालको यती एयरलाइन्स विश्वमा ‘चढ्न जोखिम’को तीन कम्पनीभित्र

काठमाडौं । नेपालको यती एयरलाइन्स यात्रुलाई अति जोखिम हुने विमान कम्पनीभित्र परेको छ । विश्वका तीन एयरलाइन्सभित्र सन् २०२४ मा नेपालको यती पनि अति जोखिम हुने विमान कम्पनीमा परेको हो ।

सुरक्षा मापदण्ड अपुग, अदक्ष चालकदलका कर्मचारीहरु हुनु, नियामक एकदमै कमजोर भएकाले यतीलाई जोखिम कम्पनीको सूचीमा राखिएको हो ।

टकरन्यूज डट कोले सार्वजनिक गरेको सूचीअनुसार यतीका दुर्घटनाका इतिहासले गर्दा चढ्न नहुने भनिएको छ । एयरलाइन्स रेटिङको तथ्यांकलाई आधार मानेर चढ्न नहुनेको सूची बनाइएको हो । सात स्टारमा तीनभन्दा कम नतिजा ल्याउनेलाई अति जोखिममा  राखिन्छ ।

टकरन्यूज डट कोले उल्लेख गरेको समाचारअनुसार नेपालको यती एयरलाइन्सलाई यसरी व्याख्या गरेको छ- ‘ नेपालमा सञ्चालित यति एयरलाइन्सले हिमालयको उपस्थितिलगायत खतरनाक मौसम र खतरनाक उडान अवस्थाका लागि परिचित क्षेत्रमा उडान गर्ने अनौठो चुनौतीहरूको सामना गरिरहेको छ।

नेपालको समग्र उडान सुरक्षा कार्यसम्पादन औसतभन्दा माथि भए पनि यति एयरलाइन्सले गम्भीर चिन्ता व्यक्त गर्दै धेरै घातक दुर्घटनामा संलग्न भएको छ। अन्तर्राष्ट्रिय नागरिक उड्डयन सङ्गठनले नेपालको हवाई सुरक्षा मापदण्डमा रहेका कमीहरू पहिचान गरेको छ, जसले देशको हवाई यात्रा सुरक्षा सुधार गर्न प्राथमिकताका साथ सहयोगको लागि आह्वान गरेको छ।’