तामझामका साथ उम्मेदवारी दर्ता गराउन गएका उम्मेदवारको भेटिएन मतदाता नामावली, यत्तिकै फर्किए

नेपालभ्युज

काठमाडौं । फूलमाला लगाएर कार्यकर्तासहित तामझामका साथमा उम्मेदवारी दर्ता गराउन पुगेका एक उम्मेदवारको मतदाता नामावलीमै नाम नभएपछि फर्किएका छन् ।

नेकपा एमालेबाट राष्ट्रिय सभा सदस्यका लागि उम्मेदवारी दर्ता गराउन प्रदेश निर्वाचन कार्यालयमा पुगेका अर्जुन सिंह राजपूतको मतदाता नामावलीमा नाम नभेटिएपछि फर्किएका हुन् ।

मधेश प्रदेशमा अन्य समूहबाट राजपुत उम्मेदवारी दिन पुगेका थिए । अब उनको उम्मेदवारी नहुने भएपछि उनको स्थानमा अर्का उम्मेदवार बनेका छन् ।

एमालेले विजेता झालाई नयाँ उम्मेदवार बनाएको छ । झाले उम्मेदवारी दर्ता गराउँछिन् ।