संक्रमणकालीन न्यायसम्बन्धी विधेयक संसदको आगामी अधिवेशनबाट पारित हुने सभामुखको दाबी

नेपालभ्युज

काठमाडौं । प्रतिनिधि सभाका सभामुख देवराज घिमिरेले संक्रमणकालीन न्यायसम्बन्धी विधेयक संसदको आगामी अधिवेशनबाट पारित हुने दाबी गरेका छन् ।

शुक्रबार काठमाडौंमा आयोजित १५ औं मानव अधिकार राष्ट्रिय महाभेलाको उद्घाटन समारोहमा बोल्दै उनले यस्तो दाबी गरेका हुन् । प्रतिनिधिसभा र राष्ट्रिय सभाका सांसदहरु संक्रमणकालीन न्यायसम्बन्धी विधेयक पारित गर्नेगरी लागिपरेको उनको भनाइ थियो ।

सभामुख घिमिरेले संक्रमणकालीन न्यायसँग सम्बन्धित ऐनहरु निर्माणका लागि आफूले असहमत राजनीतिक शक्ति, नेतृत्व र पक्षसँगको छलफललाई अघि बढाएको र त्यसलाई टुंगो लगाउने विषयमा नेतृत्वदायी भुमिका निर्वाह गरिरहेको दाबीसमेत गरे ।