नेपाल–पाकिस्तानबीचको खेल हेर्न जनकपुरका विद्यालयमा आधा दिन बिदा

अजय साह

जनकपुरधाम। जनकपुरधाम उपमहानगरपालिकाले एसियाकप हेर्नलाई बुधबार दिउँसोदेखि शैक्षिक संस्थामा बिदा दिने निर्णय गरेको छ।

एसियाकपअन्तर्गत बुधबार हुने नेपाल र पाकिस्तानबीचको खेललाई मध्यनजर गरी उपमहानगरपालिकाले सबै शैक्षिक संस्थामा आधा दिन बिदा गने निर्णय गरेको हो।

नेपाली टिमको हौसला बढाउन र विद्यार्थीमा खेलप्रति ऊर्जावान् भावना जागृत गर्न दिउँसो २ बजेपछि कुनै पनि कक्षा सञ्चालन नगरी सामुदायिक तथा संस्थागत विद्यालयमा बिदा दिने निर्णय भएको शिक्षा शाखाका प्रमुख मेहीलाल यादवले जानकारी दिए।