कांग्रेस संसदीय दलको बैठक आज, सांसद सुनिल शर्माको पक्राउबारे पनि छलफल हुने

काठमाडौं। नेपाली कांग्रेसको संसदीय दलको बैठक आज बस्दैछ ।  बैठक दिउँसो १ बजे नयाँ बानेश्वरस्थित लोत्से हलमा सुरु हुनेछ ।

बैठकमा अवरुद्ध सदन खुलाउने, सदनमा विचाराधीन रहेका विधेयकलाई कसरी अगाडि बढाउने ? नयाँ विधेयक कसरी प्रस्तुत गर्ने भन्नेबारे छलफल हुने संसदीय दलका प्रमुख सचेतक रमेश लेखकले जानकारी दिए ।

यस्तै नक्कली शैक्षिक प्रमाणपत्रको मुद्धामा पक्राउ परेका सांसद सुनिल शर्माको बारेमा पनि पार्टीको आधिकारिक धारणा बनाएर सार्वजनिक हुनेछ ।

बैठकमा आगामी दिनमा संसद्मा कांग्रेस कसरी प्रस्तुत हुने, डेङ्गु रोगको रोकथाम, पशुपंक्षीमा लाग्ने लम्की रोगको उपचार, मानिसमा आँखा पाक्ने रोगको उपचारबारेमा सरकारको ध्यानाकर्षण गराइने प्रमुख सचेतक लेखकले बताए ।

आजको छलफल गर्ने एजेण्डाबारे छलफल गर्न कांग्रेस संसदीय दलको कार्यसमिति बैठक हिजो विहीबार दिउँसो बसेको थियो ।