नियमित सफ्ट ड्रिङ्क पिउनुहुन्छ ?  डब्ल्यूएचओले जारी गर्यो यस्तो चेतावनी

एजेन्सी। विश्व स्वास्थ्य संगठनले सफ्ट ड्रिंकमा प्रयोग हुने आर्टिफिसियल स्वीटनर एस्पार्टेमको बारेमा चेतावनी दिएको छ ।

सफ्ट ड्रिंकमा प्रयोग हुने आर्टिफिसियल स्वीटनर एस्पार्टेमको कारण क्यान्सरको जोखिम हुन सक्ने डब्लुएचओले जनाएको छ ।

विश्व स्वास्थ्य संगठनका पोषण र खाद्य सुरक्षा निर्देशक फ्रान्सेस्को ब्रान्काले भनेका छन्, “हामी कम्पनीहरूलाई त्यस्ता उत्पादनहरू बेच्न बन्द गर्न सल्लाह दिइरहेका छैनौं, न त हामीले उपभोक्ताहरूलाई पूर्ण रूपमा प्रयोग नगर्न सल्लाह दिइरहेका छौं। तर हामी केवल सन्तुलित आहारको लागि सल्लाह दिइरहेका छौँ ।

डब्लुएचओको ‘इन्टरनेशनल एजेन्सी फर रिसर्च अन क्यान्सर’ ले ६ देखि १३ जुनसम्म फ्रान्सको लियोनमा पहिलो पटक एस्पार्टेमबाट क्यान्सरको सम्भावनाको मूल्याङ्कन गरेको थियो।

एजेन्सीले पत्ता लगायो कि यसको अत्यधिक प्रयोगले क्यान्सर निम्त्याउन सक्छ। तर केहि दिनको अन्तरालमा कहिलेकाहीं सफ्ट ड्रिंक खानेहरूले चिन्ता लिनु पर्दैन।