प्यालेस्टिनी जेनिनी शिविरमा इजरायली सेनाको आक्रमण

काठमाडौं। इजरायली सेनाले वेस्ट बैंकस्थित प्यालेस्टिनी जेनिनी शिविरमा आक्रमण गरेको छ। सेनाले शिविरमा ठूलो सैन्य ओपरेसनअन्तर्गत ड्रोन आक्रमण गरेको हो।

आवासीय क्षेत्रबाट धुवाँको मुस्लो निस्किरहेको भिडियो सामाजिक सञ्जालमा राखिएका छन्। सो आक्रमणमा करिब ३ प्यालेस्टिनीको ज्यान जाँदा २० जना घाइते भएको बीबीसीले जनाएको छ।

इजरायल रक्षा बल (आइडीएफ) ले जेनिन क्षेत्रमा भएको आतंकवादी संरचनामा प्रहार गरेको जनाएको छ। शिविर आतंकवादीको गढ भएको र जेनिनि शिविरको आडमा सर्वसाधारणमाथि पुर्‍याएको हानिमा चुपचाप नबस्ने आईडीएफले जनाएको छ।

प्यालेस्टिनी समूह फतह, हमास र इस्लामिक जिहादको सैन्य छाता संगठन जेनिन बटालियनले अन्तिमसम्म लड्ने तर्क गरेको छ। बटालियनः ‘हामीले पेशा बलहरूसँग अन्तिम सास र गोली बाँकी भएसम्म लडिरहने छौँ। हामी एकताबद्ध भएर लडछौँ।’

गत महिना भएको इजरायली सेनाले वेस्ट बैंकमा हेलिकप्टर प्रयोग गरी मारेको छापासहितको आक्रमणमा कम्तिमा ६ प्यालेस्टिनीको मृत्यु भएको थियो। सो आक्रमणमा ७ इजरायली सिपाही र सीमा पुलिस अधिकारी घाइते भएका थिए।