ओबामालाई यस्तो जवाफ दिइन् भारतीय वित्तमन्त्री सीतारमणले

एजेन्सी। भारतकी  केन्द्रीय वित्तमन्त्री निर्मला सीतारमणले प्रधानमन्त्री मोदीको बचाउ गर्दै पूर्व अमेरिकी राष्ट्रपति बाराक ओबामालाई निशाना बनाएकी छिन् ।

अमेरिकी पूर्व राष्ट्रपति बाराक ओबामाले एक अन्तर्वार्तामा भारतीय प्रधानमन्त्री मोदीलाई भारतका मुस्लिमहरूको अवस्थाबारे प्रश्न सोध्दा उनले अवस्था निकै नाजुक रहेको बताएका थिए ।

ओबामाले भारतमा मानव अधिकारको अवस्था पनि निकै नाजुक रहेको बताएका थिए । ओबामालाई जवाफ दिँदै सीतारमणले भनेकी छिन्, ‘एक पूर्व राष्ट्रपति जसको शासनकालमा ६ वटा मुस्लिम बहुल देशहरूमा २६ हजार भन्दा बढी बम खसालेको थियो त्यही देशका पूर्व राष्ट्रपतिले प्रश्न उठाउँदैछन् । उनको आरोपलाई कसैले कसरी पत्याउने ?’

सञ्चारमाध्यमसँग कुरा गर्दै अर्थमन्त्रीले प्रधानमन्त्रीले नै अमेरिकामा पत्रकार सम्मेलन गरेर आफ्नो सरकारले ‘सबका साथ, सबका विकास’को सिद्धान्तमा काम गर्ने र कुनै पनि समुदायलाई भेदभाव नगर्ने बताएको उल्लेख गरिन् ।

उनले थपिन, ‘तथ्य यो हो कि मानिसहरू अनावश्यक रूपमा त्यस्ता बहसहरूमा संलग्न हुन्छन् र एक प्रकारले अनावश्यक मुद्दाहरूलाई हाइलाइट गर्छन्। प्रधानमन्त्री मोदीलाई १३ देशले सम्मान गरेका छन्, जसमध्ये ६ देश मुस्लिम बाहुल्य छन्।’

प्रतिपक्षलाई निशाना बनाएर पनि उनले धेरै आरोप लगाएकी छिन् । कांग्रेससहितका विपक्षी दलले एक्लै प्रधानमन्त्री मोदी र भाजपासँग प्रतिष्पर्धा गर्न नसकेकै कारण अनेक आरोप लगाइरहेको सीतारमणको जिकिर छ ।

उनले भनिन्, ‘देशमा एकताको कुरा चलिरहेको बेला उनीहरु कुन उद्देश्यका लागि एकजुट हुँदैछन् लाई थाहा छैन ।’