भारतीय फिल्मलाई रोक लगाउने बालेनको निर्णयविरुद्धको मुद्दा न्यायाधीश चन्दको एकल इजलासमा

नेपालभ्युज

काठमाडौं। भारतीय फिल्मलाई रोक लगाउने काठमाडौं महानगरपालिकाका मेयर बालेन शाहको निर्णयविरुद्धको मुद्दा न्यायाधीश धीरबहादुर चन्दको एकल इजलासमा परेको छ ।

चलचित्र संघको तर्फबाट प्रितम घिमिरेले काठमाडौं महानगरविरुद्ध बिहीबार उच्च अदालत पाटनमा निषेधाज्ञा आदेश माग गर्दै रिट दायर गरेका थिए ।

चलचित्र संघको तर्फबाटका कानुन व्यवसायी जयलाल भण्डारीका अनुसार यो मुद्दामा मेयर बालेन शाह, नगर प्रहरी, गृह मन्त्रालय र सञ्चार, सूचना तथा प्रविधि मन्त्रालयलाई विपक्षी बनाएर मुद्दा दायर गरिएको थियो । आजै आदेश आउन सक्ने सम्भावना रहेको उनको अनुमान छ ।

मेयर शाहको निर्देशनमा सोमबारदेखि काठमाडौं महानगर क्षेत्रभित्रका सिनेमा हलमा भारतीय फिल्मको प्रदर्शन रोकिएको थियो ।