यौन दुर्व्यवहारको आरोपमा पक्राउ परेका मदन राई धरौटीमा रिहा

नेपालभ्युज

काठमाडौं । यौन दुर्व्यवहारको आरोपमा पक्राउ परेका कृषिविज्ञ मदन राई धरौटीमा रिहा भएका छन् ।

जिल्ला न्यायाधीश शुभाषबाबु पुरीको एकल इजलासले मुद्दाको फैसला नभएसम्म पीडित छात्राको अन्तरिम संरक्षणका लागि फाउन्डेशनमा जान नपाउने गरी उनलाई धरौटीमा छाड्न आदेश दिएको हो ।

जिल्ला अदालत खोटाङका स्रेस्तेदार रामाकान्त यादवका अनुसार गत वैशाख २९ गते पक्राउ परेका राई साेमवार चार लाख रुपैयाँ धरौटी बुझाएर छुटेका छन् ।

दिक्तेल रुपाकोट मझुवागढी–२ सोल्माको शुभद्रा मदन (शुभम) फाउन्डेशनका संस्थापक/सञ्चालक समेत रहेका राईविरुद्ध १६ वर्षीया छात्राले उजुरी दिएकी थिइन् ।