एसीसी प्रिमियर कपमा सन्दीप सर्वोत्कृष्ट खेलाडी

नेपालभ्युज

काठमाडौं। नेपाली क्रिकेटर सन्दीप लामिछाने एसीसी प्रिमियर कपको सर्वोत्कृष्ट खेलाडी घोषित भएका छन्।

नेपाललाई अपराजित रहँदै एसिया कपमा पुर्‍याउन सन्दीपले उत्कृष्ट प्रदर्शन गरेका हुन्। उनले कुल ५ खेलमा १३ विकेट लिन सफल भए। ब्याटिङतर्फ पनि सन्दीपले ४२ रनको योगदान गरे।

प्रतियोगितामा ४४ चौका र १८ छक्का प्रहार गरेका यूएईका वृत्य अरविन्द भने उत्कृष्ट ब्याटर घोषित भए। कुल ६ खेलमा १७ विकेट लिएका ओमानका बिलाल खान भने उत्कृष्ट बलर घोषित भए।

आगामाी पाकिस्तानमा आयोजना हुने एसिया कप २०२३ मा नेपाल, भारत र पाकिस्थान एकै समूह ‘ए’ मा रहेका छन्। समूह ‘बी’ मा भने श्रीलंका, बङ्गलादेश र अफगानिस्तान रहेका छन्।

हरेक समूहको शीर्ष २ टोलीले सुपर फोरमा स्थान पक्का गर्नेछन्। सुपर फोरबाट शीर्ष २ टोली फाइनलमा पुग्नेछन्। एसिया कप एसीसीले एकदिवसीय विश्वकप अगाडि एसियाली टोलीलाई तयारीस्वरूप आयोजना गर्ने गर्दछ।