पहाडी क्षेत्रको मौसम बदली हुने, तराइका केहि ठाउँमा हावाहुरीको सम्भावना

नेपालभ्युज

काठमाडौं। प्रि मनसुनको सिजनका कारण आज पनि देशका पहाडी क्षेत्रमा मौसम बदली हुने भएको छ । पहाडी क्षेत्रको मौसम आंशिकदेखि सामान्य बदली हुने सम्भावना रहेको मौसमविद्ले बताएका छन् ।

कोशी, गण्डकी र सुदूरपश्चिम प्रदेशका पहाडी क्षेत्रका एक/दुई ठाउँमा मेघ गर्जन र चट्याङसहित हल्का वर्षाको सम्भावना छ । उच्च पहाडी र हिमाली क्षेत्रमा हल्का हिमपातको अनुमान पनि गरिएको छ ।

यस्तै, आज लुम्बिनी प्रदेशको तराई क्षेत्रमा हावाहुरी चल्ने सम्भावना रहेकाले सतर्कता अपनाउन मौसमविद्ले आग्रह गरेका छन् ।