टुँडिखेलमा सेनाले मनायो २६० औँ सेना दिवस

काठमाडौं। नेपाली सेनाले काठमाडौंको टुँडिखेलमा २६०औँ सेना दिवस मनाएको छ। हरेक वर्ष नेपाली सेनाले महाशिवरात्रिको दिन सैनिक मञ्च टुँडिखेलमा विशेष समारोह आयोजना गरी सेना दिवस मनाउने गरेको छ।

समारोहमा नेपाली सेनाले प्रयोग गर्दै आएका विभिन्न खालका सवारी साधन, उपकरण र हातहतियारको समेत प्रदर्शन गरिएको थियो। सेनाको हेलिकप्टरले पुष्पवृष्टि गर्नाका साथै ‘महाशिवरात्रि र सेना दिवस’ लेखिएको ब्यानर प्रदर्शन गरेको थियो।

समारोहमा राष्ट्रपति विद्यादेवी भण्डारी प्रमुख अतिथि थिइन्। राष्ट्रपति भण्डारी नेपाली सेनाका परमाधिपति हुन्।

नेपाली सेनाले २०४७ सालदेखि महाशिवरात्रिको दिनलाई सेना दिवसका रूपमा मनाउँदै आएको छ। कार्यक्रममा उपराष्ट्रपति नन्दबहादुर पुन, प्रधानमन्त्री पुष्पकमल दाहाल प्रचण्ड, कामु प्रधानन्यायाधीश हरिकृष्णकार्कीलगायत उपस्थित थियो।