चढ्ने होइन त १५ हजार छुटमा लेक्ट्रो र फायर फक्स ब्रान्डको इलेक्ट्रिक साइकल ?

काठमाडौं। कुनै समय साइकल चलाउँथे मोटरसाइकल र गाडी चढ्न नसक्नेले। तर, जमाना यस्तो आएको छ की गाडी चढ्न सक्ने वा गाडी नै भएकाहरू र मोटरसाइकल चढ्नेहरूले पनि चढ्न रुचाउँछन् साइकल।

साइकल विशेषतः सहरी जीवनशैली बिताउनेको लागि समय र स्वास्थ्यको ख्याल गर्दै यात्राको लागी सहज निजी सवारी साधन हो। लाइसेन्स पनि नचाहिने, शारीरिक कसरत पनि हुने। ढाड दुख्ने समस्या हुनेहरूका लागि त वरदान नै हो मानिन्छ साइकल। साइकल जस्तो स्वास्थ्यका लागि लाभदायक कुनै पनि यातायातको माध्यम अहिलेसम्म बनेकै छैन।

यसैले होला मूल्यको हिसाबले किफायती, स्वास्थ्यको हिसाबले उत्कृष्ट यस्ता साधन साइकलमा ठूला औद्योगिक घरानाको प्रवेश भएको छ। यससँगै साइलको प्रयोग बढ्ने अपेक्षा गरिएको छ।

नेपालको कृषि जन्य बस्तुको व्यवसायमा परिचित नाम निम्बस समूह अन्तर्गतको निम्बस इन्टरनेशनलले इलेक्ट्रिक साइकल धमाधम बेचिरहेको छ। नयाँ वर्ष २०२३ को अवसरमा उसले १५ हजार रुपैयाँसम्मको छुटमा इलेक्ट्रिक साइकल बेचिरहेको छ।

लेक्ट्रो र फायर फक्स इलेक्ट्रिक साइकललाई कम्पनीले ललितपुरको पुल्चोकमा शोरुमबाट छुट अफरमा बेचिरहेको छ। कम्पनीले लेक्ट्रो ब्रान्डले उत्पादन गरेका विभिन्न १३ मोडल नेपाल ल्याएको छ।

फायर फ्क्स ब्रान्डका समेत धेरै मोडलहरू किन्न पाइन्छ। लेक्ट्रो भारतमा लोकप्रिय इलेक्ट्रिक साइकल ब्रान्ड हो । यसमा हिरो ग्रुपको समेत लगानी रहेको छ। ललितपुरमा साइलक लेनहरू पनि कोरिएको कारण निम्बस इन्टरनेशनलले ललितपुरको पुल्चोकमा शोरुम राखेको हो।

निम्वस इन्टरनेशनले नेपाल ल्याएको लेक्ट्रो ब्रान्डको सी–३ मोडलको मूल्य ७५ हजार ९०० रुपैयाँ छ। त्यसै गरी सी–५ मोडलको ८० हजार ९००, सी–६ मोडलको ९० हजार ९००, सी–७ मोडलको ९० हजार ९०० र सी–७ प्लसको ९५ हजार ९०० रुपैयाँ तोकिएको छ।

साथै, कम्पनीले सी–८ मोडलको ९५ हजार ९००, सी–८ आई मोडलको १ लाख ४ हजार ९०० र सी–९ मोडलको १ लाख २२ हजार ९०० रुपैयाँ र एफ–६ आई मोडलको १ लाख ३९ हजार ९०० रुपैयाँ रहेको छ। यो मूल्यमा नयाँ वर्षको छुट दिएर साइकल बिक्री भइरहेको छ। यी साइकलहरू एक पटकको फुलचार्जमा ३० देखि ६० किलोमिटरसम्म यात्रा गर्न सकिन्छ। साथै, प्याडल गरेर पनि यी साइकल चलाउन सकिन्छ।