विमान दुर्घटना : मृतकका परिवारलाई भेटेर प्रधानमन्त्रीको आश्वासन

काठमाडौं। प्रधानमन्त्री पुष्पकमल दाहाल ‘प्रचण्ड’ले यती एयरलाइन्सको विमान दुर्घटनामा मृत्यु भएकाका परिवारसँग भेट गरेका छन् ।

महाराजगञ्जस्थित शिक्षण अस्पताल पुगेर प्रधानमन्त्री प्रचण्डले ज्यान गुमाएका यात्रुका परिवारसँग भेट गरेर छिट्टै शव बुझाउने आश्वसन दिएका हुन् ।

प्रधानमन्त्रीले अस्पताल प्रशासनलाई शव पहिचानको काम छिटो गर्न, पहिचान वैज्ञानिक बनाउन र छिटो परिवारलाई हस्तान्तरण गर्न निर्देशन पनि दिए ।

साथै, प्रधानमन्त्रीले शव पहिचानको काम छिटो सक्न सरकारको तर्फबाट चाहिने सहयोग माग्न पनि अस्पतालका पदाधिकारीलाई आग्रह गरे।

भेटका क्रममा प्रचण्डले परिवारप्रति समवेदना प्रकट गर्दै शव बुझाउने प्रक्रिया तीव्र बनाउन आफूले निर्देशन दिइसकेको र सबै आवश्यक सहयोग गर्ने बताएका थिए ।