भारतले पहिलो वन डेमा श्रीलंकालाई दियो ३७४ रनको लक्ष्य, कोहलीको शतक

नेपालभ्युज

काठमाडौं। श्रीलंकाविरुद्धको सिरिजको पहिलो वन डेमा भारतले ३७४ रनको लक्ष्य दिएको छ । गुवाहाटीस्थित बार्सपारा क्रिकेट रंगशालामा जारी खेलमा भारतले पुरै ओभर खेलेर ७ विकेट गुमाउँदै ३७३ रन बनाएको हो।

भारतका लागि विराट कोहलीले शतक प्रहार गरे । उनले ८७ बलमा १२ चौका र १ छक्का प्रहार गर्दै ११३ रनको योगदान गरे। कोहलीको यो ४५ औँ शतक हो ।

कप्तान रोहित शर्माले ८१ र शुभमन गिलले ७० रन जोडे। पहिलो विकेटको लागि रोहित र शुभमानले १४३ रनको साझेदारी गरेका थिए ।

श्रीलंकाका कसुन राजिथाले ३ विकेट लिए । यसअघि ३ टी–२० खेलको सिरिज भारतले २–१ ले जितेको थियो।