नेपाल टी–२० लिगमा पोखराको पहिलो जित

काठमाडौं। नेपाल टी–२० लिग क्रिकेटमा मा पोखरा एभेन्जर्सले पहिलो जित निकालेको छ।

त्रिवि अन्तर्राष्ट्रिय मैदानमा शुक्रबार भएको खेलमा पोखराले फारवेस्ट युनाईटेडलाई ३ विकेटले पराजित गरेको हो।

जितसँगै २ अङ्क जोडेको पोखरा पाँचौँ स्थानमा उक्लिएको छ । पराजित फारवेस्ट भने छैँठौँ स्थानमा झरेको छ ।

१८८ रनको लक्ष्य पोखराले १९.१ ओभरमा ७ विकेट गुमाएर पुरा गर्यो। पोखराको लागि आसिफले ४५ रन जोडे। पोखराको लागि कुशलले २२ बलमा ५ छक्का प्रहार गर्दै ४० र सुमित महर्जनले २२ बलमा ५ चौका र २ छक्का प्रहार गर्दै ३८ रन जोडे।

फारवेस्टको लागि प्रकाश जैशी, उमर अली र करन केसीले २–२ तथा भुवन कार्कीले १ विकेट लिए।

पहिले ब्याटिङ गरेको फारवेस्टले पुरै ओभर खेलेर ९ विकेट गुमाउँदै १८७ रन बनायो। उमर अलीले ४२ र देव खनालले ३३ रन जोडे। पोखराको लागि जहिर खानले ३, तुल थापाले २ तथा आरिफ शेख र कुशल मल्लले १–१ विकेट लिए।