नेपाल टी–२० लिग : पोखराले दियो विराटनगरलाई १४० रनको लक्ष्य

नेपालभ्युज

काठमाडौं। नेपाल टी–२० लिगमा पोखरा एभेन्जर्सले विराटनगर सुपर किङ्सलाई १४० रनको मध्यम लक्ष्य दिएको छ।

त्रिवि अन्तर्राष्ट्रिय क्रिकेट मैदानमा जारी खेलमा पोखराले १९ ओभरमा ७ विकेट गुमाएर १३९ रन बनाएको हो। पहिलो खेलका कारण ढिला सुरु भएको खेललाई १९ ओभरमा निर्धारण गरिएको थियो।

पोखराको लागि कुशल मल्लले १८ बलमा ३ चौका र ३ छक्का प्रहार गर्दै ३७ रन बनाए। सिद्धान्त लोहनीले २६ र उपुल थरंगाले १९ रन बनाए।

विराटनगरका लागि राज नानन र हुसेन तलतले २–२ तथा नन्दन यादव, एन्ड्री म्याकार्थी, शाहाब आलमे १–१ विकेट लिए।