नेपाल टी–२० लिगमा जनकपुरको लगातार दोस्रो जित

काठमाडौं। जनकपुर रोयल्सले नेपाल टी–२० लिगमा लगातार दोस्रो जित निकालेको छ। त्रिवि अन्तर्राष्ट्रिय क्रिकेट मैदानमा सोमबार भएको खेलमा जनकपुरले विराटनगर रोयल्सलाई ५ विकेटले पराजित गरेको हो।

१४१ रनको लक्ष्य जनकपुरले पूरै ओभर खेल्दा ५ विकेट गुमाएर भेटायो। जनकपुरको लागि च्याडविक वाल्टनले अविजित ६७ र ट्रेभोन ग्रिफिथले २५ रन जोडे।

वल्टनले उत्कृष्ट ब्याटिङको साथ ५४ बलमा ५ चौका र ४ छक्का प्रहार गर्दै जनकपुरको जित सुनिश्चित गरे। उनले ४६ बलमा ३ चौका र ३ छक्का प्रहार गर्दै अर्धशतक पूरा गरे। विराटनगरका लागि हुसेन तलतले, रिजन दाहाल र नन्दन यादवले १–१ विकेट लिए।

पहिले ब्याटिङ गरेको विराटनगर १९.५ ओभरमा अलआउट हुँदा १८० रन बनायो। विराटनगरको लागि सिकन्दर राजाले ३८ र रोहित पौडेलले ३२ रन बनाए।

जनकपुर रोयल्सका लागि ललित राजवंशीले ५, मोहम्मद आदिल आलमले २ र केसरिक विलियम्सले १ विकेट लिए।