सिरहामा पोखरीमा डुबेर तीन जना भारतीय बालकको मृत्यु

आइतबार बेलुका इँटा उद्योग नजिकै रहेको पोखरीमा पौडी खेल्ने क्रममा डुबेका अवस्थामा छोराहरूलाई देखेपछि खुर्सिदले तीनै जनालाई तत्काल निकाले पनि सबैको मृत्यु भएको प्रहरीले जनाएको छ ।

नेपालभ्युज

सिरहा। सिरहामा पोखरीमा डुबेर तीन जना भारतीय बालकको मृत्यु भएको छ । मिर्चैया नगरपालिका वडा नम्बर १ मा रहेको जेके इँटा उद्योगमा कार्यरत भारत बिहार पुरनियाँ खरिन्चियाका खुर्सिद आलमका दुई छोरा १२ वर्षका अली हसन, १० वर्षका नवी हसन र नन्दलाल दासका १० वर्षका छोरा नितेशको मृत्यु भएको सिरहाका प्रहरी प्रमुख एसपी अर्जुन प्रसाद तिमल्सिनाले जानकारी दिएका छन् ।

आइतबार बेलुका इँटा उद्योग नजिकै रहेको पोखरीमा पौडी खेल्ने क्रममा डुबेका अवस्थामा छोराहरूलाई देखेपछि खुर्सिदले तीनै जनालाई तत्काल निकाले पनि अली र नवीको घटनास्थलमै ज्यान गएको र अर्का बालक नितेशको उपचारका क्रममा अस्पतालमा मृत्यु भएको प्रहरीले जनाएको छ ।