वायु प्रदुषणका कारण नयाँ दिल्लीमा स्वास्थ्य संकटकाल, विद्यालय बन्द

नयाँ दिल्ली। वायु प्रदुषण बढेसँगै भारतको राजधानी दिल्लीमा स्वास्थ्य सङ्कटकालको घोषणा गरिएको छ । वायु प्रदूषण अन्यन्तै खतराको तहमा पुगेपछि दिल्ली सरकारले स्वास्थ्य संकटकालको घोषणा गरेको हो । सरकारले अर्को आदेश नआएसम्मको लागि प्राथमिक विद्यालय बन्द गरेको छ ।

साना बालबालिकालाई घरबाट बाहिर ननिस्कन भनिएको छ । त्यस्तै प्राथमिक तहमाथिका विद्यालयमा विद्यार्थीका लागि बाहिरी गतिविधिहरू नगर्न र स्वास्थ्य सावधानी अपनाउन आग्रह गरिएको छ । कर्मचारीलाई घरैबाट काम गर्न सुविधा दिइएको छ । विश्वको सबैभन्दा प्रदूषित राजधानी दिल्लीको हावा स्वास्थ्यको लागि गम्भीर जोखिम छ ।

हावाको प्रदुषण ६० एक्यूआई भन्दा माथि जाँदा स्वास्थ्यको लागि हानिकारक मानिएकोमा दिल्लीमा हावाको गुणस्तर सूचकाङ्क ४ सयमाथि पुगेको छ ।