चिनियाँ सेनाको शीर्ष नेतृत्वमा व्यापक हेरफेर

काठमाडौं। चिनियाँ कम्युनिस्ट पार्टीले सेनाको शीर्ष नेतृत्वमा व्यापक हेरफेर गरेको छ। जसले आउने पाँच वर्ष र त्यसपछि पनि चीनको मुख्य ध्यान ताइवानमा केन्द्रित हुने स्पष्ट संकेत गरेको छ।

सीको अध्यक्षतामा रहेको शक्तिशाली केन्द्रीय सैन्य आयोगका प्रथम उपाध्यक्ष ७२ वर्षीय जर्नेल चाङ युसिया बनेका छन्। जो भियतनाम युद्धका अनुभवी पनि हुन्।

आयोगको दोस्रो उपाध्यक्षमा जर्नेल ही वाइतङ नियुक्त भएका छन्। जसले चीनको पूर्वी सैन्य जिल्लाहरूको लामो समय नेतृत्व गरेका थिए।
पहिलो उपाध्यक्ष बनेका ७२ वर्षीय चाङको बढुवामा परम्परा तोडिएको छ। ६८ पुगेपछि केन्द्रीय सदस्यबाट अवकाश हुने परम्परा तोड्दै उनी सेवामा कायम रहेका हुन्।

हङकङस्थित सैन्य विश्लेषक लियाङ कुओलियाङका अनुसार चाङ युसियाले भियतनामसँगको युद्धका एक नायक जर्नेल लिउ चेन्लीलाई सीएमसीमा उत्तराधिकारी बनाउनेछन्।

लिउ चेप्ली र जर्नेल ली साङ्फु आइतबार सीएमसीमा बढुवा भएका हुन्। जहाँ मियाओ र पहिलेदेखि नै सदस्य रहेका जर्नेल चाङ सेङमिनका साथ उनीहरूले काम गर्नेछन्। सीएमसीका पूर्व उपाध्यक्ष जर्नेल सु चिलियाङ, रक्षामन्त्री जर्नेल वेइ फेङहे र जोइन्ट स्टाफ डिपार्टमेन्ट चिफ जर्नेल ली चुओचेङले सीएमसीबाट अवकाश पाएका छन्।

नयाँ सदस्यमध्ये लिउ मात्र युद्धको अनुभव भएका जर्नेल हुन्। जसले गर्दा उनी अर्को कार्यकालमा उपाध्यक्ष बन्ने सम्भावना ज्यादा छ। ६४ वर्षका ली साङ्फु मार्चमा रक्षामन्त्री बन्ने देखिन्छ।