धेरै ठाउँको मौसम सफा, दिउँसो केहि ठाउँमा हल्का वर्षाको सम्भावना

नेपालभ्युज

काठमाडौं। आज आइतबार देशका धेरै ठाउँको मौसम सफा रहने मौसमविद्ले अनुमान गरेका छन् । मौसम पूर्वानुमान शाखाका अनुसार अहिले देशभर आंशिक देखी सामान्य बदली रहेको छ।

दिउँसो देशभर आंशिक देखि सामान्य बदली रही बाँकी भू-भागहरुमा आंशिक बदली रहनेछ। प्रदेश एक, बागमती र गण्डकी प्रदेशका थोरै स्थानहरुमा र बाँकी भू-भागका एक-दुई स्थानमा मेघ गर्जन/चट्याङ्ग सहित हल्का वर्षाको सम्भावना रहेको छ।

यस्तै, राती देशको पहाडी भू-भागमा आंशिक देखि सामान्य बदली रही बाँकी भू-भागहरुमा आंशिक बदली देखि मौसम सामान्यतया सफा रहनेछ। देशका पहाडी भू-भागका एक-दुई स्थानमा मेघ गर्जन/चट्याङ्ग सहित हल्का वर्षाको सम्भावना रहेको छ।