मन्त्री श्रेष्ठको दम्भ- ‘मलाई लाइन बस्न लगाउने’ भन्दै पक्राए बिना कसुरका गार्डलाई

काठमाडौं। मन्त्रीलाई पनि सामान्य मानिसको जस्तै नियम लागू हुने भन्दै लाइनमा बस्न आग्रह गरेपछि पक्राउ परेका सुरक्षागार्ड शेरजंग गुरुङलाई अभद्र व्यवहारको मुद्दा चलाइने काठमाडौं प्रहरीले जनाएको छ।

आइतबार ठमेलस्थित छायाँ सेन्टरमा रहेको भीएफएस ग्लोबल भिसा सेन्टरमा श्रीमतीसहित पुगेका मन्त्रीलाई सुरक्षागार्डले लाइनमा बस्न आग्रह गरेपछि पक्राउ गरिएको हो। स्रोतका अनुसार पर्यटनमन्त्री जीवनराम श्रेष्ठले सरकारी कोषको खर्चबाट आफ्नी श्रीमतीसहित केही कार्यकर्तालाई क्यानाडा घुम्न लैजाने तयारी गरिरहेका थिए। त्यसैको सिलसिलामा उनी भिसाका लागि छायाँ सेन्टर पुगेका थिए ।

ग्लोबल भिसा सेन्टरले क्यानडा, जापानसहित युरोपका धेरै देशको भिसा प्रक्रिया अघि बढाउँदै आएको छ। सेवा लिन आउने सबै सेवाग्राहीलाई समान व्यवहार गर्दै लाइनमा राख्दै आएको छ।

आइतबार दिउँसो पर्यटनमन्त्री श्रेष्ठले आफू मन्त्री भएको बताउँदै भिसा आवेदन भर्न त्यहाँ पुगे। झन्डा हल्लाउँदै सरकारी गाडीमा गएका उनी भिसा सेन्टरको प्राङ्गणमा ओर्लिए। पिएसओलाई साथै लिएर हिँडेका मन्त्री श्रेष्ठलाई भिसा आवेदन दिनुपर्ने थियो।

लाइन मिचेर नआउन भन्दै सुरक्षागार्डले मन्त्री श्रेष्ठलाई रोकेका प्रत्यक्षदर्शी बताउँछन्। मन्त्रीले आफ्नो परिचय दिँदै भनेकाे कुरा प्रत्यक्षदर्शी  भन्छन् ‘‘म मन्त्री हुँ भाइ, मलाई लाइन बस्न लगाउने?’’

उनी लाइन मिच्दै अगाडि जान खोजे। एउटा कार्यक्रममा लागि भन्दै ६/७ जनासहितको टोली क्यानडा पठाउनको लागि आफैँ त्यहाँ गएका थिए। लाइन मिचेर नआउन भन्दै सुरक्षागार्डले मन्त्री श्रेष्ठलाई रोकेका प्रत्यक्षदर्शी बताउँछन्। मन्त्रीले आफ्नो परिचय दिँदै भनेकाे कुरा प्रत्यक्षदर्शी  भन्छन् ‘‘म मन्त्री हुँ भाइ, मलाई लाइन बस्न लगाउने?’’

मन्त्री भन्ने थाहा पाएपछि पनि सुरक्षागार्ड गुरुङले लाइनमै बस्न आग्रह गरे। ‘‘मन्त्री त के कुरा प्रधानमन्त्री नै आए पनि लाइनमा बस्नुपर्ने नियम छ। तपाईं पनि लाइनमा बस्नुहोस्, अरू जनताको पनि महत्त्वपूर्ण काम हुन्छ,’’ भन्दै सुरक्षागार्डले मन्त्रीलाई रोके।

आफूमाथि अपमान गरेको भन्दे मन्त्री श्रेष्ठ गार्डसँग झोक्किए। ‘‘लाइन मिचेर अघि बढेका मन्त्री श्रेष्ठ गार्डलाई ठेल्दै मन्त्रीजस्तो मान्छेलाई रोक्ने भन्दै भित्र छिरे’’ एक जना लाइनमा बसेका व्यक्तिले भने।

मन्त्री श्रेष्ठ भिसा सेन्टर छिरेपछि भिसा आवेदन भरे। त्यहीबाट आफूलाई सुरक्षागार्डले रोकेको भन्दै पक्राउ गर्न प्रहरीलाई निर्देशन दिए। लगतै प्रहरी वृत्त दरबारमार्गको टोली छायाँ सेन्टर गयो। त्यसपछि सुरक्षा गार्ड गुरुङलाई पक्राउ गरेको छ।

मन्त्री श्रेष्ठ भिसा सेन्टर छिरेपछि भिसा आवेदन भरे। त्यहीबाट आफूलाई सुरक्षागार्डले रोकेको भन्दै पक्राउ गर्न प्रहरीलाई निर्देशन दिए। लगतै प्रहरी वृत्त दरबारमार्गको टोली छायाँ सेन्टर गयो। त्यसपछि सुरक्षा गार्ड गुरुङलाई पक्राउ गरेको छ। ‘अभद्र व्यवहारको कसुरमा म्याद थप गरेर अनुसन्धान गर्ने तयारी छ’ जिल्ला प्रहरी परिसर, काठमाडौंका प्रमुख एसएसपी भरतबहादुर बोहोराले बताए।

प्रत्यक्षदर्शीका अनुसार सुरक्षागार्डले मन्त्री श्रेष्ठमाथि कुनै अभद्र व्यवहार गरेका थिएनन् । आफूलाई ‘लाइन बस्न’ भनेकै भरमा उनले पदको दुरूपयोग गरेर बिना कसुरका सुरक्षागाडलाई पक्राउ गराएकाे उनीहरूको आरोप छ।