नेपालले केन्यालाई दियो २३१ रनको लक्ष्य, बलिङमा सुरुवाती सफलता

नेपालभ्युज

काठमाडौं । कप्तान रोहित पौडेलको अर्धशतकमा नेपालले केन्यालाई २ सय ३१ रनको सामान्य लक्ष्य दिएको छ । केन्याविरुद्धको एकदिवसीय सिरिजअन्तर्गतको दोस्रो खेलमा नेपाल ४९ ओभर २ बलमा २३० रन बनाएर अलआउट भएको हो ।

नैरोबी जिमखाना मैदानमा जारी खेलमा नेपालका लागि रोहित पौडेलले ७८ रन बनाए । यसवाहेक देव खनालले ३७ र सोमपाल कामीले २६, रनको योगदान गरे ।

ज्ञानेन्द्र मल्ल २५, बसिर अहमद १७, आदिल अन्सारी १४ र करन केसी ११ रनमा आउट भए । गतिलो सुरुवात गरे पनि नेपालले त्यस अनुसारको स्कोर भने बनाउन सकेन ।

नेपालले बलिङमा सुरुवातमै केन्याको विकेट झारेको छ । नेपाल दोस्रो जितको खोजीमा रहेको छ । शुक्रबार भएको पहिलो पहिलो खेलमा नेपालले केन्यालाई ७ विकेटले पराजित गरेको थियो ।