बालेन र रविहरुलाई हातगोडाले सम्झाउन महेश बस्नेतले दिए निर्देशन

काठमाडौं । नेकपा एमाले सांसद महेश बस्नेतले बालेन शाह, रवि लामिछाने लगायतका नेतामाथि जाइलाग्न आफ्ना कार्यकर्तालाई निर्देशन दिएका छन् ।

भक्तपुरमा सोमबार आयोजित कार्यक्रममा बस्नेतले रवीन्द्र मिश्र, रवि लामिछाने, बालेन, रमेश खरेल लगायतका नेतामाथि आपत्ति जनक शब्द प्रयोग गर्दै आक्रमण गर्न भनेका हुन् ।

बस्नेतले सके मुखले नभए हातगोडाले भए पनि उनीहरुलाई ठिक पार्न कार्यकर्तालाई निर्देशन दिए । काठमाडौं महानगरका मेयर बालेनले अनधिकृत संरचनाहरुमा डोजर लगाइरहेको घटनाप्रति संकेत गर्दै बस्नेतले भने, ‘सकभर मुखले सम्झाउनुस्, सम्झेनन् भने हातगोडा जेले भए पनि सम्झाउनुस् । परेको पार्टीले ब्यहोर्छ ।’

नेकपा एमालेका अध्यक्ष केपी शर्मा ओलीका विश्वासपात्र रहेका बस्नेतले अहिले स्वतन्त्र भन्ने समूहबाट आगलागी भएको भन्दै जसरी भए पनि निभाउनुपर्ने बताए ।

ओली प्रधानमन्त्री रहेका बेला दल फुटाउन पूर्वआइजीपी सर्वेन्द्र खनालको सहयोगमा जसपाका सांसद सुरेन्द्र यादवलाई अपहरण गरेर रातारात काठमाडौं ल्याएका बस्नेतले अहिले पनि त्यस्तै बोली बोलेका छन्