सुधीर सक्सेनाः दुई कविता

उत्ताल तरङ्गहरूमा
शताब्दीयौंदेखि उत्रिरहेकी छ
स्त्री
तटदेखि कोसौं टाढा
न खुट्टामुनि चट्टान छ
न आकाशमा जलपक्षी ।

नेपालभ्युज

सुधीर सक्सेनाः दुई कविता

१. प्रतीक्षा

उत्ताल तरङ्गहरूमा
शताब्दीयौंदेखि उत्रिरहेकी छ
स्त्री
तटदेखि कोसौं टाढा
न खुट्टामुनि चट्टान छ
न आकाशमा जलपक्षी ।

स्त्रीलाई
न जलपोत,
न डल्फिन,
न डुङ्गा

–स्त्रीलाई
एक मात्र
तृणको प्रतीक्षा छ ।

 

२. निद्रा

कहिलेदेखि
सुतिरहेकी छ
दूबोको बिछ्यौनामा
वसुन्धरा।

लामो पहाडी घाटीजस्तो छ
वसुन्धराको निद्रा ।

घाटीमा बग्ने
चम्किलो नदीजस्तो छ
वसुन्धराको सपना ।

कति सुन्दर छे निद्रामा अचेत वसुन्धरा
झर–झर निर्झरजस्तै झरिरहे प्रतीक्षाकी छ
वसुन्धराको देहमा चाँदनी।

निस्तब्धता यति सघन–
सुनिन्छ घडीको टिक–टिक
थाहा छैन–रातको यो कुन चाहिँ पहर हो
साँच्चै, यस रातको कुनै सखार नहोस् ।
हिन्दी भाषाबाट अनुवाद : रासा )
००


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved