जोशीलाई उपचारका लागि हेलिकोप्टरमा काठमाडौं ल्याइँदै

काठमाडौं।  नेपाली कांग्रेसका नेता रामचन्द्र पौडेलको गाउँ रहेको तनहुँको व्यास नगरपालिका ८ बाहुनपोखरामा मेयरका स्वतन्त्र उम्मेदवार दीपकराज जोशीलाई उपचारका लागि हेलिकोप्टरमा काठमाडौं ल्याउने तयारी गरिएको छ।

दमौली अस्पतालमा सामान्य उपचारपछि थप उपचारका लागि उनलाई काठमाडौं ल्याउन लागिएको हो।

तनहुँको व्यास नगरपालिका ८ बाहुनपोखरामा जोशीमाथि कुटपिट भएको थियो। मतपत्र च्यातेका आरोपमा उनलाई केही मानिसहरूले उनीमाथि कुटपिट गरेका थिए। उनले मतपेटिका कब्जा गरेर मतपत्र च्यातेको आरोपमा गठबन्धनका नेता/कार्यकर्ताले उनीमाथि कुटपिट गरेका थिए।

नेपाली कांग्रेबाट टिकट नपाएपछि जोशीले बागी उम्मेदवारी दिएका थिए। उनलाई नेकपा एमालेले उम्मेदवारी नदिई समर्थन गरेको छ। जोशी कांग्रेस नेता गोविन्दराज जोशीका जेठा छोरा हुन्।