‘बाँध मायाले’ सार्वजनिक

काठमाडौं। गायक निमा तामाङ र गायिका अन्नु चौधरीको युगल गायनमा समावेश ‘बाँध मायाले’ बोलको म्युजिक भिडिओ सार्वजनिक भएको छ।

युवा प्रेम र आकर्षणको भावलाई समेटिएको यस गीतमा ताराप्रकाश लिम्बूको शब्द सङ्गीत छ। गीतलाई सविन लिम्बूले सङ्गीत संयोजन गरेका हुन्।

म्युजिक भिडियोमा स्वयं गायक तामाङ र विमला खाजुमलाई रोमाञ्चक मुद्रामा देख्न सकिन्छ।

‘बहकिँदै छ मन बाँध मायाले’, ‘सम्हाल यो मन’, ‘चाहना छ तिम्रै हुने, एक जुनी होइन, अनेकौँ जुनी’ लगायत बोलका गीत समावेश गरिएको छ।

भूपेन्द्र तुम्बाहाम्फेको छायाङ्कन र सम्पादनमा भिडिओ तयार पारिएको हो। ओएसआर डिजिटलको युट्युब च्यानलमार्फत भिडिओ सार्वजनिक भएको हो।

यसअघि गायक तामाङको स्वरमा रहेको ‘हेर्देउन मायाले’ लगायत थुप्रै चर्चित गीतहरु सार्वजनिक भइसकेका छन्।

लोकप्रिय (यो साता)