एमालेले टुंग्यायो जनकपुरमा मेयरको उम्मेदवार, शिवंकर साह (हिरा)ले मनोनयन दर्ता गराउँदै

नेकपा (एमाले) ले जनकपुरधाम उपमहानगरपालिकाको मेयरको उम्मेदवारमा शिवंकर साह (हिरा)को नाम टुंगो लगाएको छ। धेरै रसाकस्सी पश्चात् आइतबार मध्यराती उम्मेदवारको टुंगो लगाएको हो।

अजय साह

काठमाडौैं। नेकपा (एमाले) ले जनकपुरधाम उपमहानगरपालिकाको मेयरको उम्मेदवारमा शिवंकर साह (हिरा)को नाम टुंगो लगाएको छ। धेरै रसाकस्सी पश्चात् आइतबार मध्यराती उम्मेदवारको टुंगो लगाएको हो।

एमालेले शनिबार ५ महानगर र ९ उपमहानगरको उम्मेदवार चयन गरेपनि जनकपुरधाम उपमहानगरको उम्मेदवार भने चयन गर्न सकेको थिएन।

पार्टीको स्थानीय कमिटीले जनकपुरधाममा शुरुमा शिवशंकर साहको मात्र एकल नाम सिफारिस गरेको थियो। तर, केही दिनअघि मात्र लोसपा परित्याग गरी जानकीराम साह एमालेमा प्रवेश गरेपछि उम्मेदवार छान्न एमालेलाई सकस भएको थियो।