कांग्रेसको घोषणापत्र : एमसीसी उपलब्धि, भ्यूटावर नबनाउने र नातेदारलाई सरकारी नियुक्ति नदिने [पूर्णपाठ]

काठमाडौं। नेपाली कांग्रेसले स्थानीय तहको निर्वाचनका लागि घोषणा पत्र सार्वजनिक गरेको छ।  ‘सबल स्थानीय सरकार : समुन्नत गाउँ, समुन्नत नगर’ भन्ने नारासहित स्थानीय निर्वाचनका लागि कांग्रेसले आफ्नो घोषणापत्र सार्वजनिक गरेको हो।

कांग्रेसले आफ्नो घोषणापत्रमा एमसीसी पास हुनुलाई देउवा सरकारको उपलब्धिका रूपमा लिएको छ।

स्रोत साधन सम्पन्न बनाउन कर्मचारी व्यवस्थापन गरी आवश्यक जनशक्ति पदपूर्ति गर्ने व्यवस्था गर्ने तथा क्षमता अभिवृद्धिका लागि आवश्यक संरचना बनाउने तथा सुशासन, पारदर्शिता, जबाफदेहिता र वित्तीय अनुशासनका सम्पूर्ण सिद्धान्त अनुसरण गरी भ्रष्टाचारमुक्त र मितव्ययी शासन प्रणाली अवलम्बन र संस्थागत गर्ने लगायत विषयहरू उल्लेख गरेको छ।

घोषणापत्रमार्फत कांग्रेसले भ्युटावर, स्वागतद्वार जस्ता अनुत्पादक क्षेत्रमा लगानी नगर्ने र नातेदार वा परिवारका सदस्यलाई सल्लाहकार, विज्ञ, कर्मचारी वा सहयोगी नियुक्त नगर्ने लगायत विषयहरू समावेश गरेको छ।