सुदूरपश्चिममा २ माघमा पनि सार्वजनिक बिदा

नेपालभ्युज

धनगढी। सुदूरपश्चिम प्रदेशमा माघी पर्वको अवसरमा थप एक दिन बिदा दिइएको छ। संघीय सरकारले १ माघमा सार्वजनिक बिदा दिएको छ। प्रदेश सरकारले थपेर २ गते पनि बिदा दिएको हो।

१९ वैशाख २०७८ मा बसेको प्रदेश मन्त्रिपरिषद्को बैठकले गरेको निर्णयअनुसार २ माघमा सार्वजनिक बिदा हुने भएको हो। उक्त निर्णयसम्बन्धी सूचना प्रदेशको आन्तरिक मामिला तथा कानून मन्त्रालयले प्रदेश राजपत्रमा प्रकाशन गरिसकेको छ।

१ माघमा सुदूरपश्चिमको पहाडी जिल्लामा मकर संक्रान्ति पर्व मनाइन्छ भने थारू समुदायले माघी पर्व मनाउने गरेका छन्। विगतदेखि ने थारू समुदायले माघीका अवसरमा तीन दिन बिदा हुनुपर्ने माग गर्दै आएका छन्।