राजनीतिक दर्शन र सिद्धान्तले धर्मशास्त्रका मान्यताहरू बदल्न सक्छ: बाबुराम भट्टराई

डा. भट्टराईले समसामयिक राजनीतिक, आर्थिक, सांस्कृतिक र वातावरणीय संकटहरू ठूला वैचारिक र प्रणालीगत सङ्कटहरूको अभिव्यक्ति मात्र हुन् भन्ने आफूहरूले बुझेको भन्दै त्यसको राम्रो विकल्पको खोजी पनि शुरु गरिसकेको बताए।

नेपालभ्युज

काठमाडौं। पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा. बाबुराम भट्टराईले धर्मशास्त्रका मान्यताहरूलाई राजनीतिक दर्शन र सिद्धान्तहरूमार्फत बदल्न सकिने बताएका छन्।

ओपी जिन्दल ग्लोबल युनिभर्सिटीले एसोसिएसन अफ इन्डियन युनिभर्सिटीको सहयोगमा र अमेरिकन एसोसिएसन अफ कलेज र प्रतिष्ठित साझेदारहरूसँगको सहकार्यमा आयोजना थरेको स्टार ग्लोबल कन्फ्रेन्सलाई भर्चुअल सम्बोधन गर्दै भट्टराईले यस्तो बताएका हुन्।

डा. भट्टराईले समसामयिक राजनीतिक, आर्थिक, सांस्कृतिक र वातावरणीय संकटहरू ठूला वैचारिक र प्रणालीगत सङ्कटहरूको अभिव्यक्ति मात्र हुन् भन्ने आफूहरूले बुझेको भन्दै त्यसको राम्रो विकल्पको खोजी पनि शुरु गरिसकेको बताए।

उनले यी दुवै प्रणालीका त्रुटिहरू र सीमितताहरूलाई स्वीकार गर्ने साहस गर्नुपर्ने बताए। सँगसँगै समाजको वास्तविकतालाई अझ राम्रोसँग मिल्ने नयाँ विकल्पहरू पनि खोज्नुपर्ने उनले बताए।

‘‘मेरो आफ्नै जीवनकालमा, म पूँजीवाद र समाजवादी राज्य दुवै भित्रका गहिरो संकट र अन्तरविरोधहरूको निरीक्षण गरिरहेको छु। एकातिर उदारवादी लोकतन्त्रभित्रै सामाजिक-आर्थिक असमानता बढ्दै गएको छू,” उनले भने, ‘‘अर्कोतर्फ, त्यहाँ समाजवादी व्यवस्थाहरू छन् जसले सामाजिक-आर्थिक क्षेत्रहरूलाई सम्बोधन गर्ने नाममा आधारभूत राजनीतिक अधिकार र स्वतन्त्रताहरूलाई सीमित पार्छ।”

सम्बोधनका क्रममा भट्टराईले अमेरिकी विद्वान नोअम चोम्स्कीको पनि प्रशंसा गरे। दमनकारी विश्व व्यवस्थाको विरुद्धमा एजेन्सीको सामूहिक भावना र प्रतिरोधको लागि प्रोफेसर चोम्स्की बौद्धिक र राजनीतिक रूपमा पहिलेभन्दा अहिले धेरै सान्दर्भिक देखिएका उनको कथन थियो।


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved