भारतविरुद्ध कमजोर न्युजिल्याण्ड

भारतीय भूमिमा अहिलेसम्मकै सबैभन्दा कम स्कोर

नेपाल भ्यूज

भारतविरुद्ध कमजोर न्युजिल्याण्ड

काठमाडौं। न्युजिल्याण्डविरुद्ध दोस्रो टेस्टको दोस्रो इनिङ्समा भारतले बिनाविकेट ६९ रन बनाएको छ। भारतीय टोली अहिले ३ सय ३२ रनले अगाडि छ। आज तेस्रो दिन भारतको नजर ठूलो अग्रतामा हुनेछ।

उही समयमा न्युजिल्याण्डले भारतलाई जतिसक्दो चाँडो अलआउट गर्न चाहन्छ। भारतका लागि मयंक अग्रवालले ३८ र चेतेश्वर पुजाराले अविजित २९ रन बनाएका छन्। यसअघि पहिलो इनिङ्समा भारतीय टोली ३२५ रनमा अलआउट भएपछि न्यूजिल्याण्ड ६२ रनमा मात्र सीमित भएको थियो।

खेलको दोस्रो दिन न्युजिल्याण्ड पहिलो इनिङ्समा ६२ रनमा अलआउट भएको थियो। यो भारतविरुद्धको टेस्ट क्रिकेटमा न्युजिल्याण्डको सबैभन्दा कम स्कोर हो। यसअघि सन् २००२ मा भारतविरुद्ध न्यूजिल्याण्ड ९४ रनमा अलआउट भएको थियो।

यति मात्र होइन, यो कुनै पनि भारतीय भूमिमा टेस्टमा सबैभन्दा कम स्कोर पनि थियो। सन् १९८७ मा वेस्ट इन्डिजविरुद्ध दिल्ली टेस्टमा भारत ७५ रनमा अलआउट भएको थियो।

भारतको पहिलो इनिङ्समा एजाज पटेलले मोहम्मद सिराज (४) लाई आउट गर्दै १० विकेट लिएर इतिहास रचे। इजाज पूर्वइंग्ल्यान्ड बलर जिम लेकर (१९५६) र पूर्वभारतीय कप्तान अनिल कुम्बले (१९९९) पछि एक इनिङमा सबै १० विकेट लिने विश्वका तेस्रो बलर बनेका छन्। खेलको तेस्रो दिन यो बलरबाट न्युजिल्याण्डले धेरै आशा राख्नेछ।

पहिलो दिन शतक प्रहार गरेका मयंक अग्रवालको इनिङ्स दोस्रो दिन १५० रनमा सकिएको थियो। टेस्ट क्रिकेटमा मयंकको यो तेस्रो १५० रन हो। तर, उनले आफ्नो इनिङ्सलाई अगाडि बढाउन सकेनन् र एजाज पटेलको अर्को बलमा विकेटकिपर टम ब्लन्डलको हातमा क्याच दिए।

तेस्रो दिन न्युजिल्याण्डको इनिङ्स चाँडै सकिएपछि मयंक ब्याटिङमा आएका थिए।

Leave a Reply

Your email address will not be published. Required fields are marked *

सम्बन्धित

ट्रेन्डिङ

Copyright © 2022 Digital House Nepal Pvt. Ltd. - All rights reserved