यूईएफएको कारबाहीमा लिस्बन र पोर्टो

यूईएफएले पोर्टोलाई तीन लाख युरो तथा लिस्बनलाई दुई लाख ५० हजार युरो जरिवाना रकम ताेकेकाे छ।

काठमाडौं। युरोपेली फुटबलको सर्वोच्च निकाय यूईएफएले पोचुगलको लिग च्याम्पियन स्पोर्टिङ लिस्बन र एफसी पोर्टोलाई कारबाही गरेको छ।

यी दुवै क्लबले वित्तीय अनुशासन उल्लंघन गरेको यूईएफएले जनाएको छ। यी क्लब आवश्यकभन्दा बढी रकम खर्च गरेपछि कारबाहीमा परेका हुन्।

यी दुईसँगै युरोपका अन्य ६ क्लब पनि यूर्एएफएको कारबाहीमा परेका छन्। उनीहरु पनि वित्तीय अनुशासनकै कारबाहीमा परेका हुन्।

ती क्लबमा स्पेनको रियल बेटिस, पोर्चुगलको सान्टा क्लारा, रोमानियाको क्लुज, काजकस्तानको अस्टना, बुल्गेरियाको सोफिया र गिब्राल्टरको मोन्स रहेका छन्।

यूईएफएले जरिवाना रकम २०२२ को जनवरी ३१ सम्म भुक्तानी गर्न अन्याथा यूईएफएको प्रतियोगितामा प्रतिबन्ध लगाउने बताएको छ।

लोकप्रिय (यो साता)