डेढ अर्ब लगानीमा अस्पताल

अत्याधुनिक र आधुनिक प्रविधिका उपकरण भित्र्याइँदै छ। कतिपय उपकरण आइसकेका छन् भने कतिपय आउने क्रममा रहेको छ। मेडिकल कलेजपछिको ठूलो लगानीको अस्पतालको रुपमा यसलाई विकास गर्न लागिएको छ।

नेपाल भ्यूज

डेढ अर्ब लगानीमा अस्पताल

चितवन। मेडिकल सिटीको रुपमा परिचत भरतपुरमा सञ्चालनमा रहेको एक अस्पतालले स्तरोन्नति गरी सुविधा सम्पन्न भवन निर्माण गरेको छ। कूल ५५ शय्याको नेशनल सिटी हस्पिटलले आधुनिक प्रविधिसहितको सुविधा सम्पन्न भवन बनाएर १०० शय्या सञ्चालन गर्न लागेको हो।

अस्पतालका व्यवस्थापक विक्रम अधिकारीका अनुसार भवन तथा शहरी विकास मन्त्रालयबाट अनुमति लिएर स्वास्थ्य मन्त्रालयको मापदण्डअनुसार साततले भवन निर्माणको अन्तिम चरणमा पुगेको छ। दुई सय जना शेयरधनी रहेको यस अस्पतालको संस्थागत शेयरधनीका रुपमा मेडिकल एण्ड टेक्निकल कलेज रहेको छ।

अधिकारीका अनुसार १०० शय्या सञ्चालनमा आउँदै गर्दा यसको लगानी एक अर्ब ५० करोड पुग्ने छ। “जिल्लामा उत्कृष्ट, सुविधा सम्पन्न अस्पताल हाम्रो हुने छ”, उनले भने।

अस्पतालका सञ्चालक एवं मेडिकल एण्ड टेक्निकल कलेजका कार्यकारी अध्यक्ष सरोज ढकालका अनुसार भवनमा २०० शय्यासम्म सञ्चालन गर्न सक्ने गरी निर्माण गरिएको छ। अत्याधुनिक र आधुनिक प्रविधिका उपकरण भित्र्याइँदै छ। कतिपय उपकरण आइसकेका छन् भने कतिपय आउने क्रममा रहेको छ। मेडिकल कलेजपछिको ठूलो लगानीको अस्पतालको रुपमा यसलाई विकास गर्न लागिएको छ।

अस्पतालका अर्का सञ्चालक कल्याण जोशीका अनुसार १३ वर्षअघि पाँच करोड रुपैयाँको लागतमा नारायणगढमा स्थापना गरिएको यस अस्पताल हाल भरतपुरको चौबिसकोठीमा रहेको छ। करीब १२ कट्ठा जग्गा खरिद गरेर अस्पतालको स्तरोन्नति गरिएको हो।

अस्पतालमा विशिष्टिकृतसहित सबै सेवा उपलव्ध गराइने जोशको भनाइ छ। अस्पतालले जग्गा आफैँले खरिद गरी स्वास्थ्य मन्त्रालयको मापदण्डअनुसारको भवन निर्माण र आधुनिक उपकरण जडान गर्न लागेकाले लगानी ठूलो भएको जोशीले जानकारी दिए। कतिपय उपकरण मेडिकल कलेजमा समेत नभएका आधुनिक उपकरण राखेर सेवा दिने उनले बताए।

Leave a Reply

Your email address will not be published. Required fields are marked *

सम्बन्धित

ट्रेन्डिङ

Copyright © 2022 Digital House Nepal Pvt. Ltd. - All rights reserved