नेपाल आइपुग्यो १ लाख डोज फाइजर खोप

नेपालभ्युज

नेपाल आइपुग्यो १ लाख डोज फाइजर खोप

काठमाडौं। अमेरिकाले अनुदानमा दिएको थप १ लाख डोज खोप नेपाल आइपुग्ने भएको छ। गाभीको कोभ्याक्स सुविधा अन्तर्गत विश्व स्वास्थ्य संगठन (डब्ल्यूएचओ)मार्फत उपलब्ध गराइएको १ लाख ६२० डोज खोप कतार एअरवेजको विमानमार्फत् काठमाडौं आइपुगेको हो ।

फाइजर खोप विशेषगरी १२ देखि १८ वर्षसम्मका बालबालिकालाई लगाइन्छ। यद्यपि, स्वास्थ्य तथा जनसंख्या मन्त्रालयले यसअघि नै नेपाल आउन लागेको फाइजर खोप दीर्घ रोगीलाई दिने बताएको छ।

यसअघि अस्ट्राजेनेका, भेरोसेल र जोन्सन एण्ड जोन्सन खोप नेपाल आएकोमा फाइजर खोप पहिलोपटक नेपाल आएको हो।

अमेरिकाले यसअघि १५ लाख डोज जोनसन एण्ड जोनसन खोप नेपाललाई अनुदानमा दिएको थियो ।

शुरुमा यो खोप बालबालिकालाई लगाउने भनिएपनि अहिले दीर्घरोगीहरूलाई लगाउने योजना रहेको मन्त्रालयका प्रवक्ता डा. कृष्ण प्रसाद पौडेलले बताएका छन्।

‘‘यो खोप लामो समयदेखि औषधि सेवन गरिहेका, मुटु र चिनीरोग जस्ता दीर्घरोगीलाई लगाइने योजना रहेको छ,” उनले भने।

No description available.

 


Comment

Leave a Reply

Your email address will not be published. Required fields are marked *

थप समाचार

लोकप्रिय (यो साता)

Copyright © 2024 Digital House Nepal Pvt. Ltd. - All rights reserved