माउन्टको ह्याट्रिकमा चेल्सीको फराकिलो जित

नेपाल भ्यूज

माउन्टको ह्याट्रिकमा चेल्सीको फराकिलो जित

इङ्ग्लिस प्रिमियर लिग अन्तर्गत शनिबार सम्पन्न खेलमा चेल्सीले नर्विच सिटीमाथि फराकिलो जित निकालेको छ। स्टामफोर्ड ब्रिजमा सम्पन्न खेलमा घरेलु टोली चेल्सीले नर्विच सिटीमाथि ७–० को सहज जित निकालेको हो।

चेल्सीको जितमा म्यासन माउन्टले ह्याट्रिक पुरा गर्दा कलुम हुडसन ओडोइ, रिस जेम्स र बेन चिलवेलले समान १–१ गोल गरे। एक गोल भने नर्विचका म्याक्स आर्नोसले आत्मघाती गरेका थिए।

खेलको ८ औँ मिनेटमा जोर्गिन्होको पासमा गोल गर्दै चेल्सीलाई अग्रता दिलाएका माउन्टले ८५ औँ मिनेटमा पेनाल्टीबाट दोस्रो गोल र अतिरिक्त समयमा अर्को गोल थप्दै ह्याट्रिक पुरा गरेका थिए। त्यसबाहेक ओडोइले १८ औँ मिनेट र जेम्सले ४२ औँ मिनेटमा गोल गर्दा पहिलो हाफमा चेल्सी ३ गोलले अघि रहेको थियो।

तपाईंलाई नेपाल भ्यूज कस्तो लागिरहेको छ ? तपाईंले हामीलाई फेसबुक, युट्युब, ट्विटर, टिकटक मार्फत् सल्लाह, सुझाव र प्रतिक्रिया दिन सक्नुहुन्छ ।

Leave a Reply

Your email address will not be published. Required fields are marked *

सम्बन्धित

Copyright © 2021 Digital House Nepal Pvt. Ltd. - All rights reserved