परराष्ट्रमन्त्री खड्का र अमेरिकी राजदूत बेरीबीच भेटवार्ता

नेपालभ्युज

काठमाडौँ। अमेरिकी सहयोग परियोजना (एमसीसी) पारित गर्ने विषयमा नेपालमा दलहरू बीच विवाद भइरहँदा अमेरिकी राजदूत र्‍यान्डी बेरी र परराष्ट्र मन्त्री डा नारायण खड्काबीच भेटघाट भएको छ। नेपालकालागि अमेरिकी राजदूत बेरीले परराष्ट्र मन्त्री डा खड्कासँग भेट गरेका हुन् ।

भेटमा राजदूत बेरीले परराष्ट्र मन्त्री खड्कालाई नयाँ जिम्मेवारीको लागि बधाई दिए । नेपाल र अमेरिका बिचको बलियो तथा सुमधुर मित्रताको लागि प्रतिबद्धता व्यक्त गरेका परराष्ट्रमन्त्रीको सचिवालयले जनाएको छ ।

भेटमा विश्वका लोकतन्त्रहरूको संरक्षण तथा दुवै देशलाई अत्यन्तै प्रभावित गरेको जलवायु परिवर्तन लगायत द्वीपक्षीय चासोका विविध विषयमा कुराकानी भएको जनाइएको छ ।