घट्यो शेयर बजार : ३ अर्ब ७० करोडमा खुम्चियो कारोबार

काठमाडौं। साताको अन्तिम कारोबार दिन शेयर बजार ३२ दशमलव ५१ अंकले घटेको छ। बिहीबार नेप्से परिसूचक २ हजार ६३३ दशमलव ४२ अंकमा झरेको हो।

विगत केही सातादेखि शेयर बजारमा व्यापक उतारचढाव आउँदै गएपछि कारोबार पनि निरन्तर घट्दै गएको छ। आज ३ अर्ब ७० करोड २९ हजार ५०७ रुपैयाँको ७३ लाख २१ हजार ०१४ कित्ता शेयर करोबार भएको छ। मंगलबार ५ अर्ब २८ करोड रुपैयाँको ९८ लाख ९४ हजार ४७८ कित्ता शेयर कारोबार भएको थियो।

आज म्युचिअल फण्ड, व्यापार र अन्य तीन ओटा समूहको मात्रै शेयर मूल्य बढेकोमा बाँकी १० ओटा समूहको शेयर घटेको छ।

आज नेपाल फाइनान्स, मनकामना स्मार्ट लघुवित्त वित्तीय संस्था र मैलुङ खोला हाइड्रोपावरको शेयर १० प्रतिशतले बढेको छ। यसैगरी सर्वाधिक गुडवील  माइक्रोफाइनान्सको शेयर ६ दशमलव ८६ अंकले घटेको छ।

विगत दुई सातायता उतारचढावकाबीच घट्दै गएको नेप्से परिसूचक बुधबार ५० अंकले बढको थियो। साताको अन्तिम कारोबार दिन परिसूचक पुनस् घटेपछि लगानीकर्तामा अन्योल थपिएको छ।